Cerpen Bahasa Jawa

Kuncine Kembar

Sakwise pembagian bonus akhir tahun, Tomas tuku mobil Jazz seri terbaru yen miturut dheweke body ngarepe apik banget. Sawijining dina pas wektu istirahat kantor, Tomas lunga metu golek barang-barang kebutuhan bulanan ning swalayan. Ndilalahe pas parkir ning ngarep swalayan, wis ana mobil liya sing padha persis jenise di parkir ning jejere mobile Tomas.  Dadine mobil loro werna abu-abu kuwi jejer ning parkiran.

Sakwise rampung belanjaTomas balik meneh ning mobil. Dithokake kunci mobil, dibukak lawange, banjur Tomas mlebu ning mobile. Basan ning njero mobil, Tomas kaget amarga isi mobile kok beda. Iki mesthi mobile wong liya sing diparkir jejer dheweke. Wah gawat iki! Mosok kunci mobile Tomas iso dinggo mbukak mobile wong liya!. Enggal-enggal Tomas  ngethokke handphone lan protes marang dealer sing dodol mobil.

“Piye tho Pak panjenengan menika? Kok kunci mobilku isa dinggo mbukak mobile wong liya?”

“Ah mosok pak? Wiwit jaman pithik durung kathokan kunci mobil ki ya mung iso dinggo mbukak siji mobil thok, ora iso dinggo mobil liyane!”

“Lha iki buktine! Aku saiki iso mlebu mobile wong liya. Padahal aku ki dudu tukang sulap loh!”

“Okey Mbak! Tunggu disik yah. Sedilit mengkas teknisi teka mbrono ngecek mobile Pak Tomas”

“Cepet ya Pak! Yen sak kunci iso dinggo bukak mobil liya rakyo bahaya tho! Mobilku iso kleru karo mobile wong liya!”

“Iya Pak. Teknisi wis meluncur menuju lokasi.”

Sakwise sauntara waktu sing nduwe mobil wis rampung belanja lan marani mobile. Dheweke kaget weruh ana Tomas ning njero mobile. Tomas  banjur nerangake menawa dheweke salah mlebu mobil amarga kuncine ora spesifik, iso dinggo bukak mobil liyane. Ima ngajak sing nduwe mobil bareng-bareng protes karo teknisi sing arep mara mbrene.

“Dadi ngoten ceritane pak. Kuncine panjenengan kalian kunci kula sajake sami. Mangke awake dhewe kudu bareng-bareng komplain marang Dealere njih!”

Sing nduwe mobil malah ngguyu kemekelen banjur celathu,

“Heuheuheu... Pak Paaaaakk! Lah mesthi wae pake iso mlebu mobilku wong ora tak kunci je. Soale anakku lingguh ning jok mburi lagi maca komik. Lha niku bocahe sakmenika ngadek.”

Dumadakan ning jok mburi njedul cah cilik sing ngguyu mringis lan ngeruhi Tomas,

“Halo. Sorry njih, aku mau lagi asyik maca komik dadi mboten weruh pake mlebu mobil.”

“Gubrakkkkk!!”